පෙනෙන නොපෙනෙන (Seen Unseen)

මට මතක් වුනා ඔයා බලා ඉන්නෙ නැති බව අවුරුද්ද ලබන කල් මගේ වැඩ සගයා කියනවා අවුරුද්ද ලබන බව දන්න නිසා මම නිදාගන්නවා අනිත් අය ගිණිකෙළි සංදර්ශන පවත්වද්දී නැගිටලා සුබ අළුත් අවුරුද්දක් හැමට කියලා ආයෙත් නිදියනවා මම කිව්වා සැම දෙනාටම සුබ නව වසරක් වේවා!

රුව සුවඳ ඇති කල පැසසුම් වරුණ ලැබුනද වියැකී යාම හැර මුකුලිත මලකට වෙන කුමන පැතුමක්ද

මාංශගතවූ දෙවි සමිඳාණන් ජීවත්වෙමින් උගැන්වූ ප්‍රේමයේ පාඩම අමතකකර මිනිස් නොපනත්කම් නිසාම සොබා දම් මාතාවත් කැරළි කොළාහල  කරන සමානාත්මතා සමගිය සාමය වචනාර්ථයේ පවතින ශාරිරිකව හා මානසික හිංසනයේ හිතවතුන් ගිල්වන සුගතිය නිරය පරිකල්පිත යථාර්තයකැයි සිතන නොමියයන්නන් ලෙස තාරුණ්‍යයේ වැජඹෙන්නටම සිතන කලියුගයේ නත්තල අරුත්බරව සමරන්නට දෙවි පිහිට ඔබටත් මටත් ලැබේවා

රිවි කිරණ විදා ගස ශක්තිමත් කරයි කුසුම් තුරු මත පිපුනත් සුවඳ සත හට දැනෙයි බිඟුන් ඇදී ඇවිත් පරාග විසුරුවයි පැණි වල රසය ගසට දැනුනා නොවෙයි ඵලය රස විඳින්නට ඇදෙන්නේ වඳුරු රෑනයි ගස සිටෙව්වේ කවුද උන් නම් අසන්නෙ නැතුවයි